Komisioni Qendror Zgjedhor (KQZ) i Odës së Fizioterapeutëve të Kosovës njofton të gjithë anëtarët e Kuvendit të Odës se është marrë vendimi për vazhdimin e afatit për kandidimin për anëtarë të Këshillit Drejtues të Odës deri më datën 28.02.2025, ora 12:00.
Rregullat e kandidimit janë të njëjta siç janë përcaktuar edhe më parë, përveç ndryshimit se tani kandidatët e interesuar kanë mundësinë e tërheqjes së aplikimit për kandidim online. Formulari i aplikimit mund të shkarkohet online në faqen zyrtare të Odës së Fizioterapeutëve të Kosovës.
Vendim per vazhdimin e afatit për kandidim për KD
Ky vendim është marrë për arsye të sigurimit të përfaqësimit të drejtë gjinor në strukturat udhëheqëse të Odës. Duke marrë parasysh statistikat e Odës, ku është verifikuar se përqindja e anëtarëve femra është më e lartë, ndërsa në Këshillin Drejtues dominon më shumë përfaqësimi i gjinisë mashkullore, KQZ ka vendosur të vazhdojë afatin për kandidim me qëllim të promovimit të një përfaqësimi të barabartë gjinor dhe evitimit të çdo forme diskriminimi.
Në këtë kuadër, KQZ inkurajon të gjitha anëtaret e Kuvendit të Odës për të paraqitur kandidaturat e tyre për anëtare të Këshillit Drejtues. Po ashtu, KQZ thekson se meshkujt gjithashtu kanë të drejtën e plotë për të kandiduar dhe inkurajohen të kontribuojnë në procesin zgjedhor.
Bashkëlidhur gjeni vendimin nga KQZ dhe formularin e aplikimit për Këshill Drejtues të OFTK.
Vëmendje: Kandidatët e interesuar obligohen të sjellin aplikacionin për kandidim brenda afatit të lartë përmendur në zyret e Sekretariatit të KQZ (Zyret e OFTK), Kompleksi i Q.K.U.K, Klinika e Mjekësisë Fizikale me Rehabilitim, Kati i I, Prishtinë, Kosovë.
Për të shkarkuar formularin e aplikimit, ju lutemi të vizitoni faqen zyrtare të Odës së Fizioterapeutëve të Kosovës, apo në rast se keni ndonjë pyetje shtesë mos hezitoni të na kontaktoni:
Email: kqz.oftk@gmail.com
Nr.tel: +383 (0) 45 460 551
Me respekt
KQZ/OFTK