Ka përfunduar me sukses procesi i votimit për zgjedhjet plotësuese për anëtar të Kuvendit të OFTK-së: Regjioni 01 – Prishtinë dhe 06 – Gjilan
Data: 13.12.2024
Ora: 15:00
Komisioni Qendror i Zgjedhjeve të OFTK-së (KQZ/OFTK) njofton se procesi zgjedhor për zgjedhjet plotësuese për anëtar të Kuvendit të OFTK-së është përmbyllur me sukses.
Qendrat e votimit janë mbyllur në orarin e përcaktuar, duke respektuar rregullat dhe udhëzimet përkatëse.
Gjatë ditës së votimit, procesi ka vijuar qetësisht dhe pa incidente.
Pjesëmarrja e votuesve ishte:
• Regjioni 01 – Prishtinë: 91 votues (25%)
• Regjioni 06 – Gjilan: 19 votues (16%)
Numërimi i votave ka nisur dhe do të vazhdojë sipas procedurave standarde, duke siguruar transparencë dhe integritet maksimal.
Rezultatet preliminare do të publikohen sapo të jenë të disponueshme, ndërsa shpallja zyrtare e rezultateve përfundimtare do të bëhet pas përfundimit të afatit të ankesave ndaj rezultateve preliminare.
Komisioni Qendror i Zgjedhjeve të OFTK-së falënderon të gjithë fizioterapeutët për pjesëmarrjen e tyre në këtë proces të rëndësishëm.
Me respekt,
Komisioni Qendror i Zgjedhjeve të OFTK-së